ابنة الفنان “سكيزوفرين” تغادر الإنعاش وتتجاوز مرحلة الخطر (+صورة)

Le220 ــ السعدية أبو علي

فالسوشل ميديا، نشر رضوان أسرموح، المعروف بلقب “سكيزوفرين”، صورة ديالو معنق بنتو من بعد ما تجاوزات مرحلة الخطر وخرجات من بلوك الإنعاش.

PUB

رضوان أسرموح، قال فتعليق مرافق للصورة: “الحمد لله بنتي خرجات من الإنعاش، نحمدك اللهم على البلاء، ونحمدك على الخير، ونحمدك على الصحة والمرض، ونحمدك على الرزق والكرم، ونحمدك على لسان يحمدك، وأصابع تسبحك، ياذا الجلال والكرم والجود والإحسان”.

(فيسبوك)

وكان أسرموح قد نشر صورة للإبنة ديالو اللي دخلوها لغرفة الإنعاش، من بعد الولادة ديالها مباشرة.

وكان قال: “الحمد لله رزقت بمولودة يا رب احفظها و شافيها إنك أنت الشافي، دعيو مع بنتي راه دخلوها للإنعاش، الحمد لله”.

رضوان تعاطفوا المتابعين ديالو مع الحالة ديال البنية، داعين الله تعالى أن يشفيها من مرضها.

واللي مكيعرفش رضوان أسرموح، هو فنان مغربي خريج برنامج “كوميديا”، اللي كان كيتعرض فالقناة الأولى هادي سنوات، وهو من بين أعضاء فرقة “تياترو كوميك”، قبل ما ينفاصل عليها، وكان عندو برنامج فاليوتيوب سميتو “سكيزوفرين”.