بعد الانفصال عن الشابي.. الرجاء جَابَتْ مدرب بلجيكي وها الـ CV ديالو !

Le220 ــ سعد المتولي

يبدو أن الأمور حسمت، بشكل سريع جدا، فالوقت اللِّي شحال من مصدر أكد لموقع “le220” أن إدارة فريق الرجاء البيضاوي دخلات فمفاوضات من شحال هادي، من أجل تعويض رحيل التونسي لسعد الشابي، مصادر أخرى قالت إن “الرجاء كان عندو الضوسي والسيناريو واجد من بعد مباراة الديربي، يا إما يبقى الشابي في حالة الفوز، ولا إلى خسر أو تعادل فسيغادر أسوار الفريق”.

PUB

الرجاء البيضاوي وبرئيسه الجديد أنيس محفوظ، وصل لاتفاق ودي مع التونسي لسعد جردة الشابي، باش يفسخ العقد ديالو مع القلعة الخضراء، من بعد 7 شهور ديال الخدمة، خدا فيها جوج كيسان (الكاف، وكأس محمد السادس للأندية الأبطال)، وزگل البطولة.

واحد الإشارة المدرب التونسي غيكون أول مدرب ربما فالعالم اللي درب فرقة بدون مايشوف الجمهور ديالها، بحكم أن المغرب مانع من شحال هادي حضور الجماهير للتيرانات.

مصادر موقع “le220” أكدات أن الرجاء تعاقد بشكل نهائي مع مدرب بلجيكي، ويدعى مارك فيلموتس، عندو 52 سنة، وسبق له أن درب نادي شالكه الألماني، وخاض معه 8 مباريات فاز في واحدة تعادل في ثلاث وانهزم في أربعة.

المدرب البلجيكي، أيضا، درب نادي سانت تروند البلجيكي من 2004 إلى 2005 خاض معهم 22 مباراة 5 انتصارات 6 تعادلات 11 هزيمة لتتم إقالته بسبب سوء النتائج.

 قاد بعد ذلك المنتخب البلجيكي للتأهل لكأس العالم وكأس أوروبا 2016 وقدم أداء جيد في المسابقتين.

2017 تعاقد معه الاتحاد الايفواري لقيادة المنتخب لكنه فشل في ضمان مقعد بكأس العالم روسيا 2018 بعد هزيمته أمام المغرب بعقر الدار.

المدرسة البلجيكية الحاجة الوحيدة الزوينة فيها، (يقدر يختاف عليها شحال من واحد) وهي الكونديسيون فيزيك، وهي اللي عطاتنا بزاف ديال المدربين فالعالم اللي كيشتاغلوا فاسطافات كبارا فمنصب معد بدني، أما التكتيك فماشي شي حاجة كبيرة.

واحد الإشارة الشابي غايخد راتب شهرين يعني 40 مليون سنتيم، وهو اللي كاين فالشرط الجزائي فالعقد ديالو.