بالدّارجة.. الرجاويين كاعيين ومحاملينش المدرب ومْتحَسْرِين على رحيمي ومالونغو

Le220 ــ متابعة

الرجاويين كاعين بجهد.. حيت ماتش البارح بين الرجاء البيضاوي والفتح الرباطي، بين بزاف ديال المشاكل والهفوات اللي كاينة فالفريق الأخضر، كاين اللي كيسب اللعابة وكاين اللي حرق أعصابوا على محاولات ديال الغدياد.

PUB

باج ” RAJA “Stat’s & Analysis”، اللي فيها الرجاويين حاولات تبين فين كاين أصل الداء وتشخص مرض الفريق، اللي واخة يربح كاين الخلل.

ها آش قالت الصفحة:

ماكيناش شي فرقة فالعالم تتحكم الماتش 90 دقيقة فگاع مراحل اللعب، ونمشيو بعيد لاعب مع فرقة جابت عليك التعادل مني مشات لك كونسونطراسيون، وسدو لاكس ايخصك أجنحة وأظهرة باش تسونطري، وشي بيفو كيلعب براسو مزيان.. واش عندنا هادشي فالبونتوش؟ لا.

وكنظن هادشي لاش دخل الحسين رحيمي وبان ضعيف، وهادشي لاش قلبناها 2-4-4 العرجون دخول مبرر لاشفتي فين طاحت لابال باش جا لبيت ديالهم.

ولكن ماكينش آظهرة مزيانين وماعندناش 9 بحال مالانغو ولا أوساغونا، باش نلعبو على الأطراف ونسونطريو ونتسناو گاع دوزيام بال، دونك الانسان يعرف قدروا، را نجريو على هاد لمصدي (كيقصدو الشابي) وتعوضو بالإطار الوطني را مركز مؤهل للكاف ومحال نجيبوه هاد العام.

“كنا نجمو ندخلو الفيستيار ب 4-0 لكن كيف تعرفو المدرب ماهوش اللي باش يدخل يسجل الأهداف، المدرب يعطي توصيات “

تصريح ciblé من الشابي لأي واحد مفاهمش وماعارف فيمن يلصقها، ماتش بركان واليوم كنا نساليو بـ 4-0 فالشوط اللول ولكن اللاعبين كيزگلو عليها قدام الشبكة ..

حgا المدرب، هو لي خارج علينا ودخل لينا بنحليب وفرح فحالا البانكينة عندنا فيها، فلوريان فيرتز و اسماعيلا سار، المدرب يُلام على بعض الاختيارات ومفاضلة بعض الأسماء على شي وحدين يستاهلو (عميلة مشتنيم سوكحان ) حتى هوما نصف فرص.. أما باش نعلقو عليه شماعة الخسارة فهاديك أسهل حاجة يقدر يديرها لي كايعيا فاش كيخدم بدماغو شوية.. اللي خاص يتهزو للمدفع هوما لي بايعين مالانغو ورحيمي.