الـBIGG عطا العصير لوزير الصحة وقال ليه: خاص لي يقريك شوية كيفاش تدوي بدبلوماسية
PUB
Le220 ــ السعدية أبو علي
توفيق حازب، المعروف بـ “الـBIGG”، الرابور المغربي، ماكانش من العاگزين، وناض صايب سطوريات فانستغرام، وعطا من المنقي خيارو لآيت الطالب، وزير الصحة، على خلفية تصريحه المثير للجدل خلال جلسة الأسئلة الشفوية بمجلس المستشارين، يوم أمس الثلاثاء، والذي أكد الوزير من خلاله أنه “لا تراجع عن فرض جواز التلقيح”، مشددا على أنه لن يسمح “للأقلية” غير الملقحة بفرض رأيها على الأغلبية.
PUB
فالسطوريات ديال “مول 170 كلغ” قال “هاد السيد خاصو لي قريه شوية كيفاش يدوي بدبلوماسية أو كيفاش يحتارم راسو أولا أو يحتارم شعب الأقلية كانت أو أغلبية… راه ما جالسينش فالقسم مخليه ليك باك أو أنت لي كتفرض رأي ديالك” وأضاف “أدب الحوار هو الأول مكتسب خاصو يكون عند السياسيين”.
الـBIGG اللي معروف بمبدأ “الرقية الشرعية”، اللي كيعتابرو شحال من واحد أنه حاكم “الراب فالمغرب”، قال في إطار هجومه على آيت الطالب “الطريقة اللي قال بيها ديك الباس مستفزة وفيها واحد السم ديال الدراري الصغار”.
وتابع قائلا: “سير الله يمسخنا حنا اللي مخلين بحالك يطلع فالمنصة يتعنكر علينا ودوك اللي صفقو ليه بغيت نكول ليكم الله يعطيكم العز…حيث صراحة راكم محتاجين”.
وخلص قائلا: ””يمكن عندك الحقيبة الوزارية ولكن راه ما عندكش الاحترام ديال المغاربة وشكرا”.
PUB