ناقد سينمائي دخل طول وعرض في سامية أقريو وعطاها العصير

Le220 ــ متابعة

سامية أقريو، اللي عرفها المغاربة بأعمال فنية فالقنوات الوطنية، واللي البعض كيعتبرها من الفنانات القاريات والواعرات.. والـ”داقنات” شغلها فحرفة التمثيل، هاد اليامات طبزات ليها عينها وتقبات الورقة مع المشاهد المغربي، منين خرجات عينيها فالمغاربة وقالت ليهم “اللي معجبوهش الأعمال الفنية اللي كدوز فالأولى أو دوزيم ، يقلب لقنوات أخرى”.

PUB

هاد النقاش ديال الأعمال الفنية كتكون ديما عليها “إين فوكس” كلما كيقرب رمضان، حيت سنوات والتفزة المغربية كتعاني من داء الرداءة، والي واللي هي كيتقوى من أموال الشعب، واللي، كذلك، كل واحد كيحمل الآخر المسؤولية، والضحية هو المتفرج المغربي.

فالطولاندي العايق، اللي صراحة ماشي غير هرب من القنوات المغربية، وإنما علَّق لقنوات أخرى أو منصات رقمية بحال “نيت فليكس” وما جاورها.

ماعلينا، سامية أقريو ناض ليها واحد الناقد سينمائي عندو ميقول، وعطاها العصير، وقال ليها ديك اللعبة ديال “حبس تم”.

عبد الكريم واكريم، الناقد السينمائي والكاتب المتخصص في التحليل الفيلميو ورئيس تحرير مجلة “سينفيليا” المختصة بالأفلام، قال: “مللي تبقا تنتجي بفلوسك وتعرضي فلقناة ديالكوم ديك ساعة خرجي فينا عيينيك كيفما بغيتي، لكن ألالة دبا راه كتباني علينا صحة بفلوس الشعب وفقنوات عمومية”.

وزاد واكريم، في تدوينة له عبر صفحته في موقع التواصل الاجتماعي “فيسبوك”،  “إذن ضربي الطم وللي معجبناش من ديك الرداءة للي كديريها وكيفرضوها علينا فرمضان وغير رمضان غادي نقولوليك فيها رأينا عجبك ولا معجبكش الحال”.

وأضاف: “لكن هي للي بغات من كلامها توصلو هو أن للي كديرو هي فالتلفزة مينتقدو حد وللي معجبو الحال يطفي التلفزة ويسكت وهادشي للي معمرو غاي يكون”.

سامية أقريو شبعات انتقادات فمواقع التواصل الاجتماعي، واعتبروها بأنها كتأسس وهاد المسألة ديال عجبك الحال ولا معجبكش الحال سكت ومكدويش على سندويتش”..

أوهو ألالة.