آگُوشْ آدَرْوَاتْ.. الشيخة طراكس كَتجرَّب حظها مع الرگادة (فيديو)

Le220 ــ السعدية أبو علي

الشيخة الطراكس، المغنية والراقصة المغربية، هاد الأيام، أو خلينا نقلو ديما، كتخلق الجدل ومامسوقاش للبشرية، بحيث أنها يا إما تطلع فشي لايف دير “ركن المفتي”، وتخرج عينها فقضايا دينية، أو أنها تدير شي لوك جديد، أو أنها تگلبها رگادة وهيشك بشيك (أصلا هادي هي خدمتها).

PUB

الشيخة الطراكس، المغنية من صنف الأوزان الثقيلة، لاحت فيديو، عبر صفحتها الرسمية في موقع التواصل الاجتماعي “فيسبوك”، وهي كتحزم باش تشطح على نغمات تراك ديال الرگادة.

 (فيسبوك)

وقالت الشيخة ديالنا: “هادي انا ملي كنكون كندير شي حاجة في الدار حتى كيجيني، الحال للشطيح أول مرة نشطح “بسروال”.

التعليقات على الفيديو منعاودش ليكم، شي عاجبوا الحال، وكيشجعها وكيقول ليها “كملي مافيها والو”، وكاين اللي لبس ثوب القديس، وجبد التسبيح، وبدا عليها بالوعض والإرشاد، وشي آخر مابانش ليه “الفن” اللي كتقدمو، بان ليه شي حاجة كتزعزع وغتقل بيهم الكرة الأرضية.

الحنونة ديلنا لبنى أبيضار، دخلات بالطاكل ديالها، وعلقات على الفيديو وقالت ليها “يا سلام”، زعمة ديك اللعبة كملي مافيها والو.. راكي غادية فالطريق الصحيح.