الشخة طراكس تقصف منتقديها وتقول لهم “موتو يا المنافقات” !

Le220 ــ السعدية أبو علي

الشخة الطراكس، أو فاطمة الزهراء العفيفة المتعففة الطاهرة التائبة التقية.. “وهادشي ماجبناش من فراغ”، وإنما التصريحات ديالها اللي كاتلقى راسها مرة مرة كتستعمل الخطاب الديني، واش عن قصد أو غير قصد “الله أعلم”، وكدير فيها أن الكادر شيخة ولكن الموطور ديال رابعة العدوية.

PUB

الشيخة الطراكس، أو المعروفة بالشخة “ابن تيمية”، نشرات على صفحتها الرسمية في موقع التواصل الاجتماعي “فيسبوك” صورة لها، وهي كتحاول تبدل اللوك ديالها.. هنا، راه واضح وضوح الشمس في فضواية بير، أن الكادر كيتبدل ولكل الموطور ديما كيبقى ديال رابعة العدوية.

تبع معايا، الصورة ظهرات فيها الشيخة ديالنا بتسريحة شعر جديدة، داكشي ديال الشهوبية وزيونات عاوت ثاني، ولكن باش عوراتها وتقبات الورقة، هو فين تبثات تعليق ديالها فالمنشور كتقول فيه “موتو يال المنافقات”.

الشخة طراكس معندهاش مع المنافقين، ولكن واش هي عارفة شكون هوما المنافقين؟ والشروط اللي خاصها توفر فيهم باش نعتوهم بالمنافقين..؟ هو صراحة أن البعض حاضيها غير هي، وكليبسوا ليها توب القديس وكبقاو يوعضو فيها، لكن البعض الآخر دائما حاضيين شي حاجة كتحرك مكيهمهمش واحدة كتحاضر فالشرف.

(فيسبوك)

وهادشي هو اللي تأكد أكثر فاش المغنية والراقصة المغربية، هاد الأيام، أو خلينا نقلو ديما، كتخلق الجدل ومامسوقاش للبشرية، بحيث أنها يا إما تطلع فشي لايف دير “ركن المفتي”، وتخرج عينها فقضايا دينية، أو أنها تدير شي لوك جديد، أو أنها تگلبها رگادة وهيشك بشيك (أصلا هادي هي خدمتها).

الشيخة الطراكس، المغنية من صنف الأوزان الثقيلة، لاحت فيديو، عبر صفحتها الرسمية في موقع التواصل الاجتماعي “فيسبوك”، وهي كتحزم باش تشطح على نغمات تراك ديال الرگادة.

قالت الشيخة ديالنا: “هادي انا ملي كنكون كندير شي حاجة في الدار حتى كيجيني، الحال للشطيح أول مرة نشطح “بسروال”.

التعليقات على الفيديو منعاودش ليكم، شي عاجبوا الحال، وكيشجعها وكيقول ليها “كملي مافيها والوط، وكاين اللي لبس ثوب القديس، وجبد التسبيح، وبدا عليها بالوعض والإرشاد، وشي آخر مابانش ليه “الفن” اللي كتقدمو، بان ليه شي حاجة كتزعزع وغتقل بيهم الكرة الأرضية.

الحنونة ديلنا لبنى أبيضار، دخلات بالطاكل ديالها، وعلقات على الفيديو وقالت ليها “يا سلام”، زعمة ديك اللعبة كملي مافيها والو.. راكي غادية فالطريق الصحيح.