الشيخ رضوان بن عبد السلام يدافع عن صاحب “الطريقة الكركرية” ويصف منتقديه بـ “المحسادة”
PUB
رضوان بن عبد السلام، الشيخ المغربي، اللي معروف بـ “الأسلوب لايت”، ناض كتب تدوينة مجبدة، يدافع فيها عن زميله في “الحرفة”، محمد فوزي الكركري (شيخ الطريقة الكركرية).
ووصف الشيخ رضوان منتقدي الطريقة الكركرية بأنهم “المسادةوالمزلوطين”، مشددا على أن محمد فوزي الكركري، طريقته لا تخالف الشرع ولا الدين.
PUB
تدوينة الشيخ رضوان بن عبد السلام
بزاااف ديال الناس نشرو الصور ديال محمد فوزي الكركري (شيخ الطريقة الكركرية) ينكرون ويتنمرون ويضحكون عليه وخصوصا عندما انتشرت صوره وهو في أمريكا…
دافعهم في ذلك هو الحسد لأنه عايش الرفاهية والمسارية والأكل والشراب وليس لأن طريقته شركية خرافية تخالف الدين والشرع والعقيدة …
لو كان قصدهم الدفاع عن الدين كان عليهم يتكلمو على المخالفات الشرعية ويحذروا الناس من اتباعه ماشي يتكلمو على السفر والرفاهية وكأنه حرام عليه يسافر ويعيش الحياة وياكل ما لذ وطاب مما أحل الله لعباده من الطيبات !؟
ولهذا فإن المزلوط المكلخ المحساد المشكل ديالو الأساسي ماشي تكون مخالف للشرع، وإنما المشكل عندو : ما يشوفكشي عايش الرفاهية، خصو يشوفك مزلوط بحالو حاضي عباد الله فقط…
إذا كان الكركري يخالف الشرع ؟ نوض رد عليه ونشر المخالفات الشرعية بالعلم والدليل وحذر منها ومنو هو…
أما اذا كنتي جاهل، ما فراسك والو، ما عارف والو … خصك تتكمش!
(انستغرام)
Voir cette publication sur Instagram
لأن الضحك والتنمر على الكركري لن ينفعك! ولن يضره! لأنه عارف المزاليط لي كيهاجموه دافعهم الحسد فقط وليس الغيرة على الدين والعقيدة…
ولهذا هو عايش الحياة بالتسركيل والرفاهية وها هو وصل حتى للمريكان والناس لي كيضحكو عليه باقين كيفما هوما …!؟
لأن هاذ الكركري اذا كان فشي قرية مزلوط فقير، تا واحد ما يهتم به ولا يقول عليه مبتدع ولا يديها فيه ولكن ملي هو عايش الرفاهية والسفريات كولشي باغي يغير المنكر ويرد على الكركري ويضحك عليه باش يبرد على راسو ..!
وهذه هي عقلية المزاليط !
تذكير : الطريقة الكركرية فيها بدع وشركيات وخرافات
باش ما يجيشي شي مكلخ يقولي كتدافع عليه وعلى الطريقة ديالو
أنا فقط بينت أن الضحك عليه لا ينفعك ولا يضره !
Le220 ــ السعدية أبو علي
PUB