بالدارجة.. إلى قدر الله وتفركعات عجلة السيارة فالطريق ها شنو خاصك الدير !

Le220ــ السعدية أبو علي

كاين بزاف ديال الحوادث المميتة، واللي منين كتسول شنو السبب ديالها الأساسي، كتلقى مشكل بسيط، تطور بسوء تدبير السائق ديال العربة، وخلا الأمور تولي كارثية وتطلع الكتبة بالكحل في فيلم الحياة.

PUB

اليوم ففقرة بالدارجة، غادي نحاولو نعصرو تجارب ناس مختصين دولين فمجال السيكيرتي، والحماية والإنقاذ فالطرقان وشدان الطريق.

المهم، أولا غنتفاهمو على سرعة مبدأية، واللي هي اللي كيوصو بيها الخبراء، وهي 100 كلم في الساعة، مانقصة مازايدة، آش شنو ممكن دير وتعتق راسك في حالة غادي بهاد السرعة وتفركع ليك البنو؟

أول بلان، هي الهدوء التام.. تا كيفاش الهدوء؟؟؟ راه صعيب تطبق الهدوء، ونت غادي فأمان الله حتى كتسمع بـــــاق فالطريق، آيه أسيدي خاص الهدوء التام، شوف كيف الدير ليه وصافي.

ثاني بلان، شد المِقود ديال سيارة بجوج يدين، وزير مزيان، وحاول ترد المقود فالطريق المستقيم بشكل تدريجي.

ثالث بلان، وياك تشد الفران، ولا تضغط عليه، عطيه بالتيساع، صحيح هاد القضية راه صعيب تطبق، ولكن الخبراء عندهم رأي آخر، هو أن أغلب الانقلابات كانت بسبب الفرانات.

رابع بلان، واللي كيعتبروه الخبراء بأنك وصلتي لنص المهم، هو إذا كانت سيارتك ذات ناقل حركة يدوية قم بتغيير السرعات للأدني تدريجياً ولاتقم بهذه الخطوة إلا بعد التأكد من أنك تسطير على السيارة جيداً أما إذا كانت سيارتك ذات ناقل حركة أتوماتيكي فسوف تقوم بهذه المهمة لوحدها.

خامس بلان، متهزش هم ديال الفرانات السحب ( Drag ) الناتج عن الإطار المنفجر سوف يقوم بمهمة الفرامل وتخفيف سرعة السيار

سادس بلان، منين توصل السرعة لـ 60 ولا 50 يمكنك الضغط على الفرانات بشوية بشوية حتى توقف السيارة.

ومن الأحسن تراقب ضغط العجلات قبل متحرك، السطاسيونات راه فيهم ضغط الهواء بالضغط اللي خاص للعجلة ديال السيارة ديالك، مراقبة مافيها باس، وطريق السلامة للجميع.