بالدارجة.. هاشنو خاص المغرب يضرب ليه الحساب فماتش الفينال أمام الأرجنتين..؟
المنتخب الأرجنتيني ديال أقل من 20 سنة، راه فعلا قوة كروية شبابية بارزة في كأس العالم للشباب، ولاد بلاد ميسي، تأهلو للنهائي، للمرة الثامنة في فالتاريخ ديالهم،، بعد فوزهم على كولومبيا بهدف دون رد في المربع الذهبي.
ماعلينا، هاد المنتخب آش غيدير گاع، وفين حدو..؟ وكيف ما القاعدة الجوهرية كتقول بأن لكل منتخب نقاط ضعف، ولكن مع الأرجنتين عندهم القوة كثر من الضعف.
من خلال الماتشات اللي لعبهم الأرجنتين فالمونديال، فراه عندهم الفاعلية والتنظيم، ماعمرهم خسرو حتى ماتش، منين كندويو على التظيم فاره فعلا التنظيم الدفاعي ناضيين، الدليل على أن مجموعة من المباريات فالكوب ديموند متسجلش عليهم حتى هدف.
وليدات الطاگو عندهم القدرة على التسجيل ومهاجمين مقودين وكيعرفو عا الشبكة والقنب،، أمثال ماتيو سيلفيتي، الذي سجل هدف الفوز في مباراة كولومبيا.
أما الخبرة حتى هي كاينة،فراه اللاعبين دياولو كيلعبو فالبطولات الكبرى، الشيء اللي كيخليهم يتعاملو مع الضغوط والفوز بالمباريات الحاسمة.
ولكن حاجة وحدة اللي ممكن تخرج عليهم، حسب الصحافة ديالهم، هي الثقة الزائدة، وديك اللعبة وصلنا للفينال والمغرب منتخب صغير، غناكلوه فدغمة، وهادشي هو اللي يخلي كلشي يريب عليهم.. وحنا آش بغينا للأرجنتين غير الخسران أحمادي.
Le220 ــ كاتب لا يحب الظهور

PUB



