بعد “شمتة السوبر الإفريقي”.. باج “سود سنايبر” ها شنو بغات من اللاعبين وإدارة الرجاء

Le220 ــ عبد الله عزيزي

كاين بزاف ديال التحليلات ديال ماتش الرجا كونطر الأهلي المصري، البارح، واللي عرف تتويج ولاد الفراعنة بلقب السوبر الإفريقي، لكن تحليلات اللي كتبان شوية ريزونابل هي ديال باج “سود سنايبر”.

PUB

ها التدوينة ديالهم جات مباشرة بعد “فقصة السوبر”.

تدوينة

كيفما قلنا سابقا ما كاينش شي ماتش لعبناه سابقا تحت اي ظرف كان وما كناش داخلين بنية الفوز وطامعين فالرباح، كيفما كانت حالتنا كنتي كا تلقانا ما مسروطينش لعباد الله ومعاضين معاهم على كاس ديال الما لا كنا لاعبين معاه

الماتش ديال السوبر لعبناه ضد فرقة كبيرة، وي فرقة كبيرة تقبلها ما تقبلهاش حياتك هاديك، حيت ما تغركمش كنا على بعد ثلاث دقايق ونشمتوهم، لا الناس را فآخر عامين داو 4/4 من البطولات الخارجية لي لعبو عليهم وهادشي علاش كا نقولو ناس خدامين فرقتهم و على الاقل ابجديات الكرة متوفرة فيهم ومناصبهم شادينهم اهل الاختصاص و كل واحد فيهم محتارم المهام ديالو و زيد و زيد، و لكن مع ذلك، ما تكعكعناش ليهم وما حنيناش الراس ومشينا معاهم تال آخر لحظة فالوقت لي حمرن و ضعاف التاراجاويت حتاقرو فرقتنا قبل الماتش بزااااف). فرقتنا وي ماشي فرقتهم حيت ماشي اي واحد كا يدوي على الراجا را رجاوي).

و لكن الغالب الله ، لا المدرب يلام لا اللاعبين يلامون ( بإستثناء واحد **** لي فيه يكفيه واليديه تهناو و وحل فينا) حيت لعبنا الماتش بالإمكانيات لي عندنا ، ما قدرناش نفرضو أسلوبنا ما قدرنا نفرضو هويتنا ما قدرنا نكونو favoris فشي وقت من الاوقات ما حسينا بالراجا حاضرة فالتيران و بنادم شاداه الرعدة ، وهادشي كا يكعي و مقود كثر من اللقب لي مشا، والو لعبنا معاهم غا باللوغو والسمية والراجا زاوية ودعاوي امير الحداوي وهادشي ماشي ديما غا يصدق لينا وماشي ديما غا نجيبو بيه تيترات وما يمكنش حياتنا كلها نلعبو معولين على هاد التفاصيل بالرغم من إيماننا بهم حيت بصح السمية و اللوغو كباااااار بزااااااف.

(فيسبوك) 

داكشي علاش را أول مطلب و أول خدمة عند هاد الناس لي شادين هاد الفرقة حاليا هي يحبسو الهضرة و يبداو الخدمة ، الفرقة را خاصها انتدابات صحاح و خاصها لعابا واجدين عيينا من الاعذار و عيينا ما نقلبو معاكم على الحلول و عيينا ما نصبرو راسنا و لكن را صافي حنا ما سوقناش حنا مشجعين ديال الراجا كا نعرفو على الاقل على الاقل 15 مزيااانين ماشي بالضرورة سكواد كامل مزيان ، وا حنا حاليا هاديك 11 مكملينها غا بالدفال و واحد مسطي خاصو يتعالج عند psychiatre

وا غا جيبو تا نتوما 6 و 7 لعابا بثمن مزيان و يصدقو لينا منهم غا ثلاثة بحالنا بحال كاع الفراقي و هانيا ماشي حنا غا نبقاو لا تيتي لا حب الملوك

ديما راجا و الحمد لله على كل حال.