رضوان الرمضاني: إلى ضاع اللقب الإفريقي ما نضيِّعوش القلب الإفريقي ردّوا البال عافاكم.. !

PUB

دعا رضوان الرمضاني، الإعلامي المغربي، المغاربة إلى عدم الانسياق وراء أي توجه عنصري في حق أي شعب، وذلك على خلفية الأحداث التي وقعت، في كأس إفريقيا للأمم، والتي بطبيعة الحال، ماجبناش اللقب ديالها.

ماعلينا تدوينة الرمضاني، كاين اللي غيشوفها منطقية وفيها تغليب المصلحة العامة، وكاين اللي غيشوفها رطب من الرطوبية، بحال شي واحد مبلي بفلسفة كانط الأخلاقية، فالوقت اللي خاصو يكون ميكيافيلي، اللي طاح فالقلة يتقلى.

تدوينة الرمضاني كاملة:

الإخوان، الأخوات:

ها العار، أنا مزاوگ، ها حجر العافية، لا داعي لأي كلام عنصري تجاه أي شعب، ولا داعي لأي تصرف أو سلوك عنصري تجاه أيٍّ كان.

ما حدث كان قاسياً، وما زال ما استوعبنا التحامل على بلادنا، ولكن هاد الشي لا يعني أننا نواجهه الخبث بما هو أسوأ من الخبث.

PUB

عندنا ما يكفي من الوسائل للدفاع على بلادنا، والرد على الأعداء والخصوم، الظاهر منهم والخفي، ولكن بلا ما نزلوا لمستوى الكلام والتصرف والتعامل العنصري.

ما نخلِّيوش الانفعال يطيحنا في الفخ اللي بغاوه الأعداء، وهو أنهم يرجعونا دولة وشعب عنصريين.

ما نعطيوش الفرصة لأي كان يطيح ببلادنا وسياسة بلادنا. وكونوا على يقين أن أي سلوك عنصريّ هدية مجانية للأعداء.

نعاود نقولها، حنا مغاربة وأفارقة، وكل من يعيش فهاد البلاد محكوم بالقانون فقط.

حنا جزء من إفريقيا، وإفريقيا امتداد ديالنا، ويلا ضاع اللقب الإفريقي ما نضيِّعوش القلب الإفريقي.

ردّوا البال عافاكم.

Le220 ــ كازاخستان

PUB

PUB

اترك تعليقا