سكان سيدي حجاج طالع ليهم الدم من برك للمياه الملوثة وكيطالبوا “ليديك” تحل المشكل (+صور)

PUB

Le220ــ سعد المتولي 

شحال خايبة تجمع الفلوس والتكلف والتسلف وتبني دار باش تهرب من جحيم الكاريان وتلقى راسك شي ماردتيه، وضربتي كلشي فالزيرو، وهادشي بالضبط اللي واقع للناس اللي سكنوا جداد صحاب الاستفادة فمشروع الرياض بسيدي حجاج واد حصار بإقليم مديونة.

القضية فشي شكل، المهم وحسب تصريحات سكان المنطقة، لموقع le220، فإن شركة “ليديك”، المفوض لها تدبير الماء والكهرباء وتطهير السائل فالدار البيضاء والنواحي، دارت واحد البلان ديال جمع مياه الملوثة الخاصة بالمطابخ والأمطار باش يتعاود التدوير ديالها، حتى لهنا مزيان.

ولكن، هاد الما خرج على السيطرة وكَوَّن وديان وبرك فيها “ريحة الموت”، ومن المستحيل تقدر تدوز من حداها وماتسدش نيفك، بل أن الرائحة كتوصل لقاع الدار، وكتخلي السكان بزز منهم يسدوا النوافذ.

PUB

فاعل جمعوي في المنطقة كشف لموقع le220 أن هناك 5 محطات تصفية للمياه الملوثة، وحتى وحدة فيهم ما كتقوم بالدور اللي على أساس ديالو تصايبات، بل أن الأمر وصفه بـ “الخطير” منين كونات وديان كتجمع الضفادع وبزاف ديال شنيولة.

وفي السياق ذاته  أكد سكان سيدي حجاج أنهم قرروا يديروا عريضة ويجمعوا توقيعات الناس المتضررين، ويقدموها للجهات المعنية كخطوة نضالية أولى.

يشار إلى أن المنطقة كضم صحاب الاستفادة اللي كانوا ساكنين في تجمعات صفيحية من قبيل دوار الواسطي، دوار حسيبو، وكاريانات فكازا.

PUB

PUB

اترك تعليقا