سيدي سليمان.. نصاب ضرب مليار سنتيم وهرب من بعد ما وعد 200 شاب بالهجرة لأوروبا
PUB
Le220 ــ السعدية أبو علي
نايضة في سيدي سليمان، ديال بصح، القضية فيها نصب واحتيال، بل ربما تقدر تكون أكبر عملية نصب فالمغرب على مستوى الهجرة.
PUB
قاليك أسيدي واحد المهاجر ضرب مليار وزيادة للشباب، وعدهم بعقود عمل الى كندا وفرنسا وبعض الدول الأوروبية، وغير جمع الحصيصة، غبر مابقاش بان.
البارح ونهار الجمعة كذلك، تجمعو كاع اللي حس بالشمتة، قدام القهوة اللي فالملكية ديالو فسيدي سليمان، كيحتجوا وكايطالبا بجي، ويرد ليهم فلوسهم.
مصادر كشفت لوقع “le220” أن بزاف اللي عاطي حوالي 65000 درهم أي بالريال (ستة دالمليون ومايت آلف ريال)، باش يمشي يهاجر لأوروبا ولا كندا، ويدير لباس.
القضية وصلات للبوليس اللي بداو البحث ديالهم على النصاب باش يشدوه ويقرقبو عليه، ويرد للناس رزقهم.
PUB