سي نورمال.. طوطو تربى فدرب شبعان حشيش والنعاس والحطة ولاكلاس

PUB

Le220 ــ السعدية أبو علي

اللي متبع طة فحصي الملقب بـ “الكراندي طوطو”، غيلقى أن هاد السيد فأي لايف ديالو أو شي لعبة، خاصو يبين أنه كيكمي الحشيش وفرحان بفتيخ الجوانات.

PUB

البعض كيشوف أن هادشي اللي كيدير فيه راه ما والو، غير ديك اللعبة: “أنا واعر والجوان هو اللي نافخني”، أما البعض الآخر فراه كيقول يضبر ك..**و، حياتو الشخصية هاديك يدير فيها اللي بغا.. يكمي يسكر يضرب لحمو مشغلناش.

واللي كيعرف طوطو هو وخوه سفيان، فرتاهم ترباو  فدرب وسط الدار البيضاء، شبعان معاگيز حياتهم هي الحشيش والنعاس، ولكن كلشي لابس كلشي كلاس.. السؤال اللي مخاصكش تسولهم هو منين كتجيبو الفلوس واخة مخدامينش؟

PUB

الحشيش فذاك الدرب اللي الملقب بدرب الشيطان كان غير مدفگ بعد تحولات القضية إلى الزق أو ما يعرف بالحاج البييضاوي، راك فاهم.

خونا فالله عندو غير مع “الموسخة”، وهي اللي عبر عليها، مؤخرا في الرباط، مني قال: “كنكمي الحشيش ومن بعد، راه كنجيبو غير من الدورة غير من هنا من كتامة 300 كلم”. هو فالحقيقة هضرة نقية عندو.

المهم الحشيش أو الزطلة فهاد البلاد، فراه هانيا عند أغلبية الناس، يشوفك كتكميها، الخايبة عندهم هي الفانيد والتقرقيب، ولا كدير شي موصيبة أخرى.

أما الحشيش المعروف بالسلم والسلام، ومكايآديش، فراه هانيا..

شي طاف معاك أخاي زفيكس.

PUB