فضيحة التذاكر في قطر.. ومسؤول في الجامعة هو السبب والجمهور كاعي !

الفضيحة الكبيرة هي اللي كاينة فقطر، وخاصة أن الجمهور، الليل كامل وإلى حدود اللحظة، مازال ماخداش التذاكر.

والقضية موقفاتش هنا، وإنما، وصلات لأبعد من ذلك، وهو أن الجمهور اللي فقطر وجهوا اتهامات وصفت بـ “الخطيرة”، لأحد مسؤولي الجامعة، واللي هو المكلف بتوزيع التذاكر.

PUB

الاتهامات قالت إن التذاكر اللي شراتها الجامعة باش توزعها فابور على الجمهور، تم التلاعب فيها والبيع ديالها بأثمنة خيالية.

خونا المسؤول فالجامعة، غبر ليه الأثر، ومابقاش كيرد على مسؤوليين وحتى بعض الوزراء والبرلمانيين، باغين يحضروا للتيران، والقضية مرونة.

هادشي اللي وقع ولفنا بيه، حتى حاجة فالمغرب مكتكون كاملة، ضروري كتلقى شي حد كيدفل ليك فالقصرية ديال كسكسو، اللي مصاوبة على حقها وطريقها.

مشاكيل..

Le220ــ السعدية أبو علي