فكليبات شبعانين رموز ماسونية.. الـ “البيغ” يرفع سقف التحدي ويغني بالإسبانية

ماشي حيت هو البيغ ولا من الناس القدام “أولد سكول”، لا.. حيت هو بالفعل حاكم الراب فالمغرب، توفيق حازب، واللي مكيعرفوش فراه من الناس “اللي كيتبورشوا بالموسيقى”.

ففي حوار له سنة 2016 مع le220 قال إن الموسيقى “إلا ما بروشاتوش ماغاديش ينزلها للجمهور.. كلشي داير على التبوريشة”.

PUB

ماعلينا، البيغ bigg  رفع سقف التحدي، بغنائه بكل اللغات الكبرى والمعروفة.

هاد الأيام لاح البيغ bigg أغاني جديدة ديالو عبارة عن “سنكلات”، من بينها أغنية “caminando”، والتي تعني باللغة الإسبانية “المشي”.

أغنية الإسبانية 

هاد الأغنية بالذات جامعة ما بين ثلاثة اللغات، الإسبانية، والعربية، والإنجليزية.. بستيل موسيقي مختلف من السالسا حتى لبانغ.

ماشي أول مرة كيديرها البيغ فسبق ليه غنا بالانجليزية، بحكم لغة الراب الحقيقية عند خوتنا المراكنة الانجليزية.

نرجعو للكليب الأخير “مقودة”، واللي شافوا مزيان غادي يكتشف أنه يحتوي على علامات ورموز ماسوية، تمجد الشيطان، وأن البيغ ديما فالكليبات ديالو، كيحاول يدير شي لعيبة بحال هاكا، ولكن السؤال واش معاهم ولا غير كيتلصق فيهم.

كليب مقودة

le220 ــ السعدية أبو علي