فين هو الصوت..؟ ابتسام تسكت تتعرض لموجة سخرية واسعة ومتابعون يطالبونها بـ «الاعتزال»
PUB
اللي متبع المجال الفني فالمغرب وخاصة الجيل الجديد من الفنانين الشاب، فراه غيفرق بين التفاح والرمانة، وغيفرق كذلك من اللي عندو صوت واقف عليه واللي عند وشي حاجة أخرى هي اللي مكالية عليه السعرة.. راك فاهم.
Voir cette publication sur Instagram
PUB
القضية ومافيها أن “الغربال الفني” منين كيتحرك كيشيط فيه غير شي بركة ديال الفنانين الشباب المغاربة، اللي بالفعل كيستحقو الدعم والتنويه، أما الشي لاخر، فراه غير منفوخ إعلاميا.
ماعلينا، الفنانة المغربية ابتسام تسكت، طبزات ليها العين، هاد الأيام منين ظهرات فالقناة الأولى “بدون صوت”، وهو اللي خلا عدد كبير من المتابعين يوجهو ليها سهام النقد والسخرية، والبعض دعاها إلى “الاعتزال” وتعلاق الميكرو.
وهادشي ماشي أول مرة كتوقع فيه ابتسام تسكت وإنما وقعات فيه مرارا منين كتغني “لايف”، يعني منك للواد أخاي زفيكس، إلى فيديك غتزطط راسك، مافيديكش غتشبع سخرية.
فنانين كثير فالدومين الغنائي، فالصراحة، مافيدهمش فقط كيعتامدوا على مُحَسنَاتْ صوتية فالميكساج باش يطلع صوتهم مقبول، وهادشي اللي كيخيلهم يرفضو يغنيو مباشرة ويلتجؤوا للبلاي باك. ولكن النهار كيسخن عليهم راسهم وكيغنيو ديركت فراه كتسمع النهيق والتجعويق.
Le220 ــ السعدية أبو علي
PUB