مدرب الرجاء الجديد.. حقيقة فتحي جمال وماء العينين وشرط الجزائي فالكونطرا

Le220 ــ عبد الله عزيزي

فـ 24 ساعة الماضية، تناقلت عدد من الصفحات في الفيسبوك والمواقع أخبارا “تُفصل” الظروف المحيطة بمجيئ مدرب الرجاء الجديد  البلجيكي مارك فيلموتس، اللي غادي يشد فريق الرجاء من بعد إقالة التونسي لسعد جردة الشابي.

PUB

مسؤول رجاوي قال، في اتصال هاتفي  مع موقع “le220″،  إن “هاد الأخبار كتصب في اتجاه واحد، هو أن المكتب الجديد للرجاء، سقط فأول امتحان ليه من بعد توليه رئاسة القلعة الخضراء، وهادشي غالط، حيت الطريقة باش دبرنا الملف كان احترافي، وأنا عارف علاش قلتها.. وإنما هاد الأخبار هي من صنع بعض المشوشين على الفريق”. على حد تعبيره.

وأكد المتحدث نفسه، “بحالي بحال الجميع تفاجأنا منين كانقرا فالصفحات وبعض المواقع أن المدرب جابو فتحي جمال، وأننا شرطنا يجي أحمد ماء العينين، مدرب الحراس، وأن الشرط الجزائي ديالو فالكونطرا هي يتخلص 6 أشهر.. في حال فك الارتباط، هادشي ما منو والو”.

وأبرز قائلا: “اللي بغيت نأكد للجميع هو أنه جرى الاتفاق مع المدرب من أجل تولي قيادة الفريق، حددنا معاه الشروط الكاملة، وهي الفوز بالألقاب، لأنه حسب ما يعلمه الجميع الرجاء فريق الألقاب، نتمناو خير”.

شكون هو المدرب الجديد ؟

الرجاء تعاقد بشكل نهائي مع مدرب بلجيكي، ويدعى مارك فيلموتس، عندو 52 سنة، وسبق له أن درب نادي شالكه الألماني، وخاض معه 8 مباريات فاز في واحدة تعادل في ثلاث وانهزم في أربعة.

المدرب البلجيكي، أيضا، درب نادي سانت تروند البلجيكي من 2004 إلى 2005 خاض معهم 22 مباراة 5 انتصارات 6 تعادلات 11 هزيمة لتتم إقالته بسبب سوء النتائج.

 قاد بعد ذلك المنتخب البلجيكي للتأهل لكأس العالم وكأس أوروبا 2016 وقدم أداء جيد في المسابقتين.

2017 تعاقد معه الاتحاد الايفواري لقيادة المنتخب لكنه فشل في ضمان مقعد بكأس العالم روسيا 2018 بعد هزيمته أمام المغرب بعقر الدار.

المدرسة البلجيكية الحاجة الوحيدة الزوينة فيها، (يقدر يختاف عليها شحال من واحد) وهي الكونديسيون فيزيك، وهي اللي عطاتنا بزاف ديال المدربين فالعالم اللي كيشتاغلوا فاسطافات كبارا فمنصب معد بدني، أما التكتيك فماشي شي حاجة كبيرة.

واحد الإشارة الشابي غايخد راتب شهرين يعني 40 مليون سنتيم، وهو اللي كاين فالشرط الجزائي فالعقد ديالو.