ملاكم مغربي دوز اكتئاب حاد ومحاولتين للانتحار يخلق المفاجأة في وهران

PUB

Le220 ــ عبد الله عزيزي

كشفت صفحة مرصد الرياضة المغربية، المختصة في رياضات الأخرى عدا كرة القدم، أن سعيد مرتجي (مواليد 1997) البطل المغربي في رياضة الملاكمة، عانا كثيرا قبل أن يخلق المفاجأة في الألعاب المتوسطية، المقامة، حاليا، بوهران

PUB

وقالت الصفحة، “من بعد اكتئاب حاد و محاولتين ديال الانتحار (سمحلي خويا سعيد ولكن باش يحس المتابع بشنو داز عليك)، ها هو رجع في 36 يوم ديال التداريب فقط قدر يربح ملاكم فرنسي متوفرة ليه كاع الظروف و كايتريني بشكل مستمر ومساند ماديا و معنويا، وقدر يتأهل إلى نصف النهائي ويضمن ميدالية جديدة للمغرب على الأقل ستكون ميدالية برونزية في الألعاب المتوسطية“.

PUB

وأبرزت الصفحة ذاتها أنه “خاص تكون رقابة وهيئة رياضية خاصة تشرف على رياضيي النخبة حيت مايمكنش نبقاو نتحرمو من الأبطال بسبب قرارات انفرادية داخل الإدارات التقنية أو بسبب نفوذ بعض الاشخاص في الجامعات“.

وختمت “مثال بحال سعيد مرتجي كاين في كل مدينة وفي كل رياضة، والرياضة المغربية هي من تدفع الثمن في الأخير”.

وانتصر الملاكم المغربي سعيد مترجي  على الفرنسي ابراهيم بوكديم في ربع نهائي وزن -52 كلغ ليتأهل إلى نصف النهائي ضامنا بالتالي ميدالية برونزية على الأقل في دورة ألعاب البحر الأبيض المتوسط وهران 2022.

لي ماكايعرفش سعيد، سعيد (25 سنة) بطل إفريقيا والعرب سابقا وكان من أفضل العناصر في منتخب الملاكمة بين 2017 و 2019. وقعو ليه بعض المشاكل جراو عليه من المنتخب و وقف الملاكمة عامين و كان داخل في اكتئاب حاد.
سعيد رجع هاد العام ولعب أول مسابقة في تونس قبل 3 أسابيع وجاب برونزية من بعد جوج كومبات خسر فيهوم واخا كان أحسن. سعيد كانت مشاركته محل شك في موعد وهران ولكن آمنوا به في الأخير و شارك اليوم وها هو فرحنا معاه و بكانا معاه.
الدموع ديالو في الأخير كاتحكي على معاناة الملاكم الرياضي المغربي ولد الشعب لي كايجيبها بالحرقة ديالو على الوضعية والظروف.

PUB