الجديدة.. بنت عندها 16 سنة مَا لقات حَلْ سِوَى تشرب دوا الأعصاب باشْ تنتحر

Le220 ــ عبد الله عزيزي

فاش كتضيق بيك الدنيا ومتعرف مادير وكيكون إيمان ديالك طايح للأرض، فاعلم أنك ممكن دير أي حاجة باش تخرج من الضغط أو من شي مصيبة، واخة يكون الحل هو الموت. هاذا هو تفكير أغلب اللي حاولوا الانتحار، حسب بزاف ديال الدراسات .

PUB

البارح بنت عندها 16 عام حاولات تجرب أفضع شيء فالوجود اللي هو الانتحار بمنطقة الزمامرة اقليم الجديدة، لأسباب مبغاتش تقولها.

مصادر محلية أكدت أن البنت اللي هي قاصر ابتلعت كمية كبيرة من أقراص الأعصاب، ودخلت في غيبوبة، حيث جرى نقلها على وجه السرعة إلى المستشفى  الإقليمي بالجديدة لتلقي العلاج  وغسل المعدة.

وأبرزت المصادر ذاتها أن الحادث خلف هلعا وخوفا في نفوس أهل وأقارب البنت، التي كانت تنوي على الانتحار لأسباب مجهولة.

منطقة الزمامرة تشهد هذه الأيام عمليات انتحار واسعة، وهاد الحالة ديال البنت مولات 16 العام هي الحالة الرابعة فأقل من أسبوع، خاص ضروري يدار بحث من طرف الجهات الأمنية على الأسباب اللي كتخلي بنادم ينتاحر فهاد المنطقة الفلاحية.