بلان فشكل.. مجموعة نسائية من مارتيل مختصة في منع التصوير في الأفراح والمناسبات
PUB
غير الوقفة ديالهم والشارة اللي كتشبه لديال البوليس فدراعهم، كتخليك تعترف باللي درتيه واللي مادرتيهش ماشي غير تحط التلفون وماتصورش.. آش كتقول؟؟ واييه القضية هي أن مجموعة نسائية من مارتيل صايبات گروب مختص في منع التصوير في الأفراح والمناسبات.
هاد المجموعة كتعرف نفسها، حسب منشور لها في “فيسبوك”، أنها كنهني العرسان والعائلات من كثرة الصور وكتخلي فقط المصور والفوتوغراف هوما اللي يخدمو فقط.
PUB
وقالت المجموعة: “بما أن التصوير العشوائي في المناسبات أصبح يزعج الكثير ويسبب فضائح للعائلات، قرّر فريقنا إضافة فرقة ممنوع التصوير فرقة الأمل ممنوع التصوير في الأعراس و الأفراح”.
وعما اعتبرتها بـ “المميزات” التي من أجلها جرى خلق المجموعة: (هو تكوني ضامنة غير الفوتوغراف لي تصورك، وتصاورك ميخرجوش ف الفيسبوك و اليوتيوب، تتصدري وأنت هانية و واحد ميدور بيك ولا يقلقك و هو يصور فيك بلا ما توصي اختك ولا صاحبتك تڨول للناس متصوروهاش و تكسريلهم راسهم خليها علينا).
المجموعة النسائية، حسب مصادر مطلعة، فراه خدامة مزيان فالشمال، ما بين الرينكون، والمضيق ومارتيل، علما أن العراس فهاد المناطق كيكونو مقسومسن على جوج، يعني الرجال بوحدهم والعيالات بوحدهم.
ونتوما آش بان ليكم فهاد البلان مع أو ضد؟.
Le220 ــ السعدية أبو علي
PUB