بالدارجة.. «طوبيسات كارثية» تشوه صورة المغرب في مطار محمد الخامس فكازا

المطار بالنسبة للدول المتقدمة واللي كتحترم نفسها، قبل من أي شيء، فراه كتكون مجهزة بأحدث التقنيات المتوفرة، وكتعتمد على أعلى الوسائل اللوجيستيكة اللي كتكون فالمستوى، وهادشي علاش زعمة..؟ كيفاش علاش آخاي زفيكس..؟ الجواب ببساطة أن المطار هو المرآة والصورة والانطباع الأول اللي كيشوفو الزائر على حضارة البلاد. خلاوها العرب منين قالو : «مطلع القصيدة كفر»، وحتى فالمثل المغربي الدارج «من الخيمة خرج مايل»، وكمل من راسك.

PUB

بمعادلة بسطية وبحساب الخشيبات، إلى كان المطار مقاد ومصايب فراه البلاد بطبيعة الحال غتكون ناضية، وهادشي اللي كيلاحظوه عدد من المسافرين المغاربة في بقاع العالم المتقدم.

هاد المسافرين، في حديث لهم مع موقع «le220»، فراه كتجيهم البكية والغيرة على البلاد منين كيوصلو لمطار محمد الخامس بالدار البيضاء (أكبر مطار في المغرب)، علاش لأن فيه اختلالات وصفوها بـ «غير المفهومة»، اللي كتخلي البعض منهم يفكر ماية مرة عاد يجي المغرب.

مثلا في فصل الصيف واللي كتكون فيه الحرارة عندنا فالمغرب زايدة نغزة، فراه من البديهي ومن الأمور المتجاوزة، يتم تشغيل المكيفات، اللي هي يا إما ماخدامش أو مبغاتش تخدم.

الطوبيسات اللي كتنقل المسافرين من وإلى الطائرة فراه فحالة كارثية، وهي اللي خلات مجموعة من المغاربة والأجانب يتشكاو ويتساءلوا واش هادشي غيبقى وحنا مقدمين على تنظيم كأس العالم 2030؟

صايبو قجقالكم الله يخليكم.

Le220 ــ متابعة