بالدَّارجة.. فاش تصور القديوي مع تشافي  مدرب برشلونة الجديد

Le220 ــ سعد المتولي

هاد الأيام كاينة واحد الصورة كتسركل مزيان فالفيسبوك، وهي صورة اللي كانوا كايسميوه”الزئبقي”  يوسف القديوي، لاعب مغربي، رفقة تشافي هيرنانديز، المدرب الحالي لفريق برشلونة الإسباني.

PUB

الصورة مادازتش طريفة، وإنما شبعات ساركازام، وتحقير للقدرات والمؤهلات المغربية، بحال إلى أن الأجنبي كي*را سنيكرز، وكيبول هاواي.

القضية فيها واحد العقدة قدها قداش، واللي كيعاني منها المغاربة إلا من رحم ربي، وهي عقدة الأجنبي، وديما مطرب الحي لا يطرب، بالفعل أن تشافي موهوب ورقايقي بلغة الكوايرية، ولكن القديوي تا هو دوز حقوا فحكان الجلدة.

شحال هادي فيامات النظام ديال معمر القذافي كانوا كيكتبوا فالحيطان “أنصر أخاك ظالما أو مظلوما”، وحنا فهاد المرحلة خاص نمشيو مع هاد النهج ضد فأي أجنبي، ماغديش يقدم أي إضافات للبلد.

آيه آسي، القديوي ولا غيرو وحتى الصحابي وكركاش ولا بنهاشم، تعطيهم، البارصا يردوها أحسن فرقة فالعالم، هضرة بالمقلوب، راك فاهم، راه البارصا هاديك مخسور عليها اللي يتحرق ما يتلم.