منين مبغاش يترشح..! أخنوش يُحرج زعماء أحزاب «بُت نْبت» ولفو يغنيو أسطوانة “أنا وحدي مضوي البلاد”..!

PUB

واخة واصل وعندو مايقول، وماكيعرف غير الخدمة والدق والسكات، وفينما حطيته يقضي الغرض، لأنه فعلا رجل جمع بين المال والحكمة والرزانة، فراه قرر ميترشحش، وهاد عدم ترشح عزيز أخنوش، لرئاسة أكبر الأحزاب السياسية في المغرب، خلا بزاف ديال المراقبين للشأن السياسي فالبلاد، يقولون إن هذا “القرار ما هو إلا ضربة موجعة لزعماء أحزاب اعتادوا “أكل الغلة ومرة مرة سابين الملة”.

زعماء الكولة سبيسيال.. !

عدم ترشح أخنوش، راه فعلا كيكرس واحد المبدأ خاص يقرى للمناضلين قبل الزعماء، هو أن الغرض من الأحزاب هو خدمة المواطن، وليس خدمة شخصية صرفة، وأن الوصول إلى القيادة، ماشي كيعني “بن نبت”، وتدهن الكرسي بـ”الكولة سبيسيال للكرسي”، وكون محشمش بعضهم كون استمدوا الحكم والشرعية ديالهم من الآلهة، كيفما وقع فالإغريق أو كما يسمى بالحكم “الثيوقراطي Theocracy“.

زعماء الحمَّام والسطُولة..!

PUB

فهاد البلاد السعدية فراه الأحزاب السياسية، من بين الإنجازات “الكبرى ديالها” هو قاداتها يبقاو عاصرين الزيت وراخين الگروية.. ماشي يديرو هيكلة وتأطير حزبي، واستقطاب الأدمغة والأطر والناس اللي عندها ماتقول، ويخليو فرصة للشباب ويعطيوهم فرصة أكثر فالزعامة والقيادة.. لا أحبيبي، أوهو..!

الأحزاب عندنا، عندها سياسة وحدة اللي يمكن نلخصوها فعبارة “الحمام والسطولة”، بحال أي واحد قاصد الحمام، كيدوَّر عليه السطولة، وكيحاول يقرب للبرمة ديال الما السخون، باش ميتعذبش فالتعمار، ومرة مرة “يبقى يقول “واطلق السخون”، ويشد كسال يكسلو مزيان، ومنين يبغي يخرج يخوي على راسو 200 لتر ديال الما لي مبقاش نعمة، وهو اللي كان كافيه فقط غير 10 لتر فقط.. آجي..! ياكما يسحاب ليك راني داوي على الحمام؟ لا..! غالط، أنا داوي على “السبا” أبا خالي بجلباب الحمام البلدي..! 

Le220 ــ كاتب لا يحب الظهور

PUB

PUB

اترك تعليقا