المورتانيين خرجو يحتجو ضد غلاء الأسعار.. والشرطة قمعاتهم واستخدمات القوة لتفريقهم.. !

PUB

خرج عدد من الموريتانيين فمظاهرات سلمية فالعاصمة نواكشوط، باش يحتجو على الغلاء ديال الأسعار، خصوصا المحروقات، اللي ولات كتقلق القدرة الشرائية ديال المواطنين وكتزيد من الضغط المعيشي عليهم.

المحتجين رفعو شعارات كيطالبو فيها بمراجعة هاد الزيادات وإيجاد حلول سريعة للوضع الاقتصادي.

لكن هاد الوقفات ما دازتش بلا توتر، حيث تدخلات الشرطة كانت بالقوة لتفريق المتظاهرين، الشي اللي تسبب فإصابات فصفوف بعض المحتجين، وسط حالة من الفوضى والاحتقان.

PUB

كما تم اعتقال عدد من المشاركين فهاد الاحتجاجات، وهو ما زاد صعّد الوضع وخلا بزاف ديال الأصوات تنتقد هاد التدخل.

هاد الأحداث خلات ردود فعل متباينة، بحيث نددت جهات حقوقية بطريقة التعامل مع المظاهرات واعتبرات أن التظاهر السلمي حق مشروع خاصو يتصان.

وطالبت هاد الجهات بفتح تحقيق فالتدخل الأمني، وإطلاق سراح المعتقلين، مع الدعوة لمراجعة سياسة الأسعار بما يراعي ظروف المواطنين.

Le220 ــ متابعة

PUB

PUB

اترك تعليقا