الإنارة العمومية.. الناس فرياض سيدي مومن عياو من الشكايات والـSRM مامسوقاش وأمن وسلامة المواطنين في “خطر”

PUB

فكازا المدينة الغول، كاينة مقاطعة سيدي مومن، اللّي كتعتبر أول مقاطعة من حيت تعداد السكان، حسب إحصاء 2024، وكلما كبر الحي إلا وكيكثروا معاه المشاكل، اللي خاصها ناس عندهم داكشي ديال النحاس باش يقادوها.. ولكن عمرها تقادات..!

هاد الأيام، حي رياض سيدي مومن، (أليانس)، كيعيش فالظلام، غير كيطيح الباش كيبدى بنادم يضهسس، مكيعرف فين يخلف، ولا يزيد.. وكيقى حاير واش يجبد تلفون يشعل البيل، ولا يخبيه قبل مايطيرو بيه ولاد علي.

PUB

المواطنين ديال المنطقة عياو من الشكايات، والتعياط فالتليفوات، سواء للشركة الجهوية المتعددة الخدمات الدار البيضاء-سطات (SRM)، أو مالين الوقت.. أو الجماعة.. وماكينش استجابة. علاش؟ حتى حد ماعرف علاش..!

رياض سيدي مومن ماشي أول مرة كيوقع فيه هاد البلان، سبق شحال من مرة طفاو البوطوات وكثرات السرقات، والاعتداءات، والمواطن هو الضحية.. 2026 هادي وباقي بحال هاد المشاكل اللي جماعات صغار فالمملكة تجاوزتها وقايمة بشغالها.

Le220 ــ سعد المتولي

PUB

PUB

اترك تعليقا