بالدارجة.. الوجه البيضاوي الأكثر انتشارا فالمغرب
المغرب معروف بالتنوع ديالو، وهاد الشي كيبان حتى فملامح الوجوه والأشكال المختلفة لي عند الناس، فكل مدينة ولا منطقة كتلقى اختلاف بسيط فالملامح، بحكم التاريخ ديال البلاد والاختلاط بين الأمازيغ والعرب والأندلسيين والأفارقة عبر قرون طويلة.
ومن أكثر أشكال الوجوه انتشارا عند المغاربة كاين الوجه البيضاوي، بحيث كيعتابروه خبراء التجميل والأنثروبولوجيا من الأشكال المتوازنة، وكيكون فيه الجبين والفك قريبين فالعرض مع ذقن خفيف شوية، حتى الوجه الدائري حاضر بزاف، خاصة عند الناس اللي عندهم خدود بارزة وملامح ناعمة.
وبحسب دراسات مهتمة بالتنوع البشري فشمال إفريقيا، فالملامح المغربية كتجمع بين خصائص متوسطية وأمازيغية وعربية وإفريقية، وهاد الشي علاش كيبان تنوع كبير فالعيون ولون البشرة وحتى شكل الأنف والفك، بعض الدراسات الجامعية الأجنبية اللي اهتمت بالجينات البشرية فالمغرب أكدت أن المغاربة من أكثر الشعوب تنوعا جينيا فالمنطقة.
هاد التنوع خلا بزاف ديال الناس كيعتابرو أن “الوجه المغربي” ما عندوش شكل واحد محدد، بل كاين خليط كبير كيختلف من الشمال للجنوب ومن المدن للقرى، ورغم هاد الاختلاف، كيبقى الوجه البيضاوي والطويل نسبيا من أكثر الأشكال اللي كتظهر عند نسبة كبيرة من المغاربة.
Le220 ــ السعدية أبو علي

PUB



