بنك “سياش” عايش بالزحام والانتظار وشعاره الوحيد هو “السيستيم طايح”
مع بداية كل شهر فمدينة كازا، كاين عذاب خور كيمارسو بنك “سياش”، اللي الأغلبية الساحقة من صاحاب التريتات دايرنو.. كيعانيو من الزحام والانتظار، تقدر تلقى أكثر من 25 واحد سابقينك، وخاصك تشد النوبة، وعادي عندهم، حيت لاكيس كيكون فيه واحد، أما الآخر يا إما مشى يتغدى ولا مكاينش ولا الله واعلم..
عملية إيداع أو سحب الأموال تقدر توصل حتى لـ20 دقيقة.. ومنين كتسولوهم علاش هاد التعطال ديال الملاوي كيقولو ليه السيستيم ثقيل.
واخة حنا فزمن السرعة والذكاء الاصطناعي، ولكن باقي هادشي ديال التسعينات، أما وكلات أخرى مع كدخل كتلاقى السيكيرتي كيستقبل بواحد الجواب سيرالي: خويا “السيستيم طايح”، حتى لغدا ورجع.. تا فين غنرجع.. يا هاد ولد الناس.. قادو قجاقلكم الله يخليكم.. !
le220 ــ سعد المتولي

PUB



