ها شحال خاص ديال الفلوس باش الرجا يفسخ عقد فيلموتس واللي معاه

PUB

Le220ــ عبد الله عزيزي

باش يجريو على المدرب البلجيكي مارك فيلموتس، وطاقمه التقني المرافق، خاص شلا فلوس من عند السكتوح، فهاد العملية غادي تكلف خزينة الرجاء الرياضي حوالي نص مليار سنتيم.

PUB

مصادر من داخل فريق الرجاء البيضاوي كشفت لـموقع le220 أن الرجاء ضروري يعطي منحة توقيع المدرب البلجيكي، اللي باقي متوصلش بيها عند توقيع عقده مع الفريق الأخضر.

وأبرزت أن الرجاء خاصو، كذلك، يخلص رواتب فيلموتس الشهرية إلى نهاية الموسم الرياضي الحالي، بالإضافة إلى أربعة أشهر لفسخ العقد، وكذلك مستحقات أخرى منصوص عليها في بند فسخ العقد.

PUB

المدرب البلجيكي يتوفر عقده الاحترافي، اللي غيزاتو مرتو المحامية، على بند 4 أشهر لفسخ العقد، لكنه تضمن معطيات أخرى تفرض على الرجاء دفع مبالغ إضافية في حال قرر المكتب المسير فسخ العقد من جانب واحد.

إلى مشا المدرب فأتوماتيكمون خاص الرجاء تفسخ عقود طاقمه، وهم مساعدين ومحلل فيديو، فيما مدرب الحراس والمعد البدني كانا يشتغلان رفقة الخضر قبل مجيء المدرب البلجيكي.

من جهة أخرى، وحسب ما كشفته مصادر مطلعة فإن زوجة المدرب البلجيكي، مارك فيلموتس، فاجأت مسؤولي الرجاء بمتطلباتها المالية نظير أي فسخ للعقد لمدرب الرجاء وطاقمه المساعد.

ووجد مسؤولو الرجاء أنفسهم في حرج شديد، فالمبلغ جد كبير، وقد يورط الرجاء في نزاعات هو في غنى عنها.

هاد الروينة كاملة خاص الرجا تعطي فيها 400 مليون، وشي فليسات صحاح آخرين يعني المجموع نص مليار سنتيم،  لمدرب باقي مدار والو مع الرجا، وهذا هو أول امتحان إقالة فعد أنيس محفوظ، الرئيس الحالي، واخة أن الرئيس مابغيش يجري على المدرب، ولكن الواقع شيء آخر، واش غينجح فيه؟، واش غتخرج ليه طريفة، خاصة أن الجمهور كاعي عليهم كاملين، الأيام وحدها كفيلة للجواب !

PUB