اليوتوبر أسامة كوبنهاغن.. ضرب أكبر تشويهة للمغرب في بلاد المقارونيا إيطاليا

Le220 ــ السعدية أبو علي

من البارح إلى اليوم فالسوشل ميديا ماكيان غير خونا فالله أسامة كوبنهاغن، اليوتبر المغربي، ضرب اكبر تشويهة لمغاربة والمغرب في اكبر برنامج في إيطاليا.

PUB

وكيفما كتعرفو البرامج التلفزيونية يمكن تخلص فلوس ودوز، وهو ما خلص ما والو غير عيطو عليه، ووأراك للفراجة، المشكل أن هد السيد مستواه الثقافي والمعرفي ضعيف جدا لدرجه أنه عايش في إيطاليا لمدة سنة ولا يتحدث الايطالية بشكل جيد.

أسامة كوبنهاغن قال ليهم بلي داكشي لي عادي عنكم هنا في إيطاليا معندناش في المغرب لا حوايج لا فين نسكنو وكناكلو مرة واحدة في اليوم، بهد التصريحات هو غيحسبليهم عندنا غير الصحراء والمجاعة وهدشي كيضرب بشكل مباشر في السياحة وبزاف ديال الحوايج.

الممتتبعين وناس السوشل ميديا معجبهمش الحال لهاد التصريحات، اللي عتابرها مجانبة للصواب، وقالو علي”صاحبي دوي على راسك متهضرش بسميت المغرب ولا المغاربة والى كنتي مولف السعاية وطلبة ماشي عيب غير هو طلب على راسك”.

وقال آخرون : “هدشي كيتسمى كطيح بلادك انا شخصيا فين ما تاحلتلي الفرصة باش نهضر على بلادي رغم ضروف كندوين زوين على لبلاد، حيت المغرب الام ديلي ونقدش ندوي خايب عليها كيف كان الحال”.

وقال آخر المهم “أسامة نجح أنه يوصّل للمذيعة الإيطالية المعاناة اللي عاشها هو فاش كان فالمغريب و صوّرو ليها بحال إلى عايش فالعصر ما قبل الكمبري والمغاربة ولاّو يبانوا ليها بحال لي كانيبال، إلى مشات لشي حومة ولقاتهم ما زال مكلاوش ديك الوجبة الوحيدة فالنهار غا ياكلوها هيا”.