غريب.. “الشيخ صار” يدعو إلى عدم “الترحم” على الصحافية شرين أبو عاقلة وها علاش !
PUB
Le220 ــ الدار البيضاء
في واحد النقاشات الخاوية، والتي لا معنى لها، واللي الغرض منها هو التفكيك واعتبار الانسان جماعات ماشي يد واحدة، بعيدا عن الاختلاف فالرأي فاللون فالدين فالعرق. ووو.. ناض إلياس الخريسي، الملقب بـ “الشيخ صار”، ودار تدوينة على شرين أبو عاقلة، مراسلة قناة الجزيرة، كيدعو فيها إلى عدم الترحم عليها، لأنها “مسيحية”، وذلك بعد مقتلها، اليوم الأربعاء، برصاص جيش الاحتلال الإسرائلي، بل حتى أن عبارة “شهيدة” لا تجوز في حق شرين أبو عاقلة.
PUB
PUB
المهم قرا وحكم مع راسك:
هذه السيدة (المسيحية) نحترمها ونقدرها على ما فعلته للقضية ويمكن أن نحزن لموتها بتلك الطريقة البشعة.. ولكن.. ركز معايا..
ولكن ملي كاتقول (رحمه الله) هذا دعاء.. والدعاء عبادة.. مما يعني أنك تعبد الله وانت تقول (رحمه الله) متافقين..؟؟ متافقين.. والعبادة تكون كما يريد الله وكما شرع رسول الله صلى الله عليه وسلم.. ماشي أي واحد يعبد الله بالطريقة لي بغا هو..
مما يعني نتا ماشي حر باش تصلي صلاة العصر خمس ركعات.. ونتا ماشي حر تطوف بالكعبة 10 دورات.. وماشي حر باش تقول (رحمه الله) على أي واحد بغيتي..
عبادة الترحم كاتكون لمن أرادنا الله أن نترحم عليهم.. هادي عبادة ونتا ماشي حر فيها.. فهمتي..
وفالأخير غي كن هاني ربي إذا بغا يرحم شي واحد ويدخل شي واحد الجنة غادي يرحمو و يدخلو للجنة وما واقفاش على ديك (رحمه الله) ديالك هي زعما لي غادي تدخلو للجنة..
رحم راسك نتا وإتقي الله في نفسك ولا تترحم إلا على من أمرك الله بأن تترحم عليهم.. ولا تعصى الله بالترحم على من نهاك الله عن الترحم عنهم… هذا دين ماشي لعب.
أكرر هذه السيدة (المسيحية) نحترمها ونقدرها على ما فعلته للقضية ويمكن أن نحزن لموتها بتلك الطريقة البشعة ولكن لا نقول إلا ما يرضي ربنا.. والسلام
:إلياس الخريسي
PUB