كازا.. واحد دار راسو هاز حزام ناسف وقام بالسطو على وكالة بنكية

Le220 ــ سعد المتولي 

داكشي ديال “برق ماتقشع.. وأطونسيون تقرب ليا.. فأنا مفخخ”، هادشي اللي وقع صباح اليوم الثلاثاء، في وكالة بنكية بشارع المغرب العربي بحي الأزهر التابع إلى عمالة سيدي البرنوصي بالدار البيضاء.

PUB

وحسب مصادر مطلعة لموقع le220 فإن مول الفعلة، دخل لوكالة بنكية فحي الأزهر ومنين بغا يخرج حل جاكيط ديالو، وبداو كيبانو من صدر ديالو سلوكة ديال الراديو، زعمة راه أنا لابس حزام ناسف.

شباب وبعض المارة في المنطقة حاولوا السيطرة عليه ومحاصرته لكنه، شد ساروت ديال السيارة ديالو وبدا كيورك عليه وكيقول “الله أكبر الله أكبر”، زعمة “والله ويقرب شي حد مكاين غير الفركعاوي”.

من جانبها وحلت عناصر الأمن الوطني وعناصر الشرطة العلمية والتقنية، والسلطات المحلية، إلى الوكالة البنكية من أجل محاولة فتح تحقيق دقيق في الواقعة، للوصول إلى الجاني.