مجرد سؤال.. واش بصح الراقصة مايا ضحية وتقولبات للمرة الرابعة؟

PUB

Le220ــ السعدية أبو علي

اللي سمع بلا ما عندو أدنى فكرة، أن فلانة طلقات للمرة الرابعة، فغتكون عندو فكرة بأن المشكل من المطلقة ماشي من اللي طلقها، وغيطرح واحد السؤال جوهري، زعمة هاد السيدة اللي طلقات للمرة الرابعة، واش حتى واحد حتى راجل فيهم ماصدق؟ وكاين اللي غيكون أكثر لطفا في تساؤلاته وتحليلاته حينما يقول : السيدة معندهاش زهر مع الرجال داكشي علاش، وغيزيد يضيف كلمة مسكينة.

مايا، أو الراقصة مايا، هادشي اللي وقع ليها، فالانفصال عن الزوج الرابع، خلا المتابعين، كيضامنوا معاها، لكن دون فهم مقاصد الخطاب، وتحليل عميق.. القضية سطحية من حيت الشكل، أما المضمون فربما تكون هضرة أخرى.

الراقصة مايا، كاين اللي مشا بعيد، وقال واش بصح هي بالفعل ضحية وتقولبات للمرة الرابعة؟، واش بصح أنها كل مرة (4 الخطرات)، وهي كتقولب فالرجال؟ واش بصح هي الملاك الطاهر وأن الرجل هو الشيطان الأسود؟

هادي تسؤلات بعض المراقبين، اللي كتبين أن الموضوع فيه إن، وأن راه المؤمن مكيتلدغش من الجحر مرتين فمابلك ربعة، وأن مسألة تعرضها للخذلان وخيبة الظن في أزواجها، هي مجرد مبررات تقدر تكون حقيقية، ولكن راه ممكن تكون هي اللي فيها اللعبة.

PUB

مايا فاش بغات تزوج للمرة الرابعة قالت على زوجها: “نية بزااف وواش هو عايش معانا.. وهادشي اللي عاجبني فيه”، ومن بعد طلعات فواحد الفيديو كتوضح أنها تقولبات فالسيد وأنه طلع “طولانطي ودار ليها نوض أونوض”.

فشي تصريحات قدام كان مايا أكدت أنها هي من تطلب الطلاق لأسباب مختلفة، ملمحة أنها ترفض الخيانة والكذب والخداع في العلاقات الزوجية.

على العموم، حتى حد مكيبغي الأذى لراسو، ولكن هاد الفيلم بان ليا بحال “نتغدا بيه قبل ما يتعشا بيا”، المهم المغاربة حنان غير بشوية ديال الدموع.

 

 

PUB

PUB

اترك تعليقا