زومي الكاميرا.. علاش دنيا بطمة شادة سوق الأعراس والحفلات وهي الطوب حاليا؟
واخة بغينا ولا كرهنا، كتبقى دنيا بطمة، الفنانة المغربية، هي راس السوق دابا، والطوب فإحياء الحفلات والسهرات والأعراس، بل أنها تقدر تنوض الشياط فلاسين، وتحراك القفاطن والتكاشط.
المنافسة اللي عندها من بعض الفنانات خوتاتاها فالحرفة، من قبيل سعيدة شرف، وإكرام العبدية، والداودية، ما والكلينش معاها الخبز، لأسباب بسيطة أن دنيا بطمة شادة السوق ديال بصح.
وحسب ما كشفه مراقبون لموقع le220 فإن دنيا بطمة، في الأعراس اللي تحييها، فإنها تترك انطباعا حسنا عند المدعويين والضيوف.
المصادر ذاتها أبرزت أن الفنانة المغربية كتخلي كلشي على خاطروا، كما أنها متمكنة من جميع الألوان الغنائية، من الشعبي الحرش حتى للخليجي، يعني غير طلب شنو تسمع ومايكون غير خاطرك.
دنيا عندها فرقة موسيقية ترافقها تتكون من أبرز العازفين المتمكنين في مجال الموسيقى، تقدر تغني بالميزان وحتى بالبواطة ريتم، كما أن عندها ناس ديال الباص وكذلك امختصيين فهندسة الصوت.
نجيو للكاشي والأجر ديال بطمة، فراه ممحددش، يعني على حسب العرس وشنو فيه، بعض المرات تقدر تغني دنيا بطمة بلا ريال بلا جوج، المهم كلشي يبقى ناشط وعلى خاطرو.
Le220 ــ السعدية أبو علي
الفيديو من حفل أخير لدنيا بطمة
Voir cette publication sur Instagram

PUB



