بالدارجة.. واش يقدر يغني حاتم عمور والستاتي قدام جمهور كازا بلا مايوقع والو !

Le220ــ السعدية أبو علي

تحتضن مدينة الدار البيضاء في الفترة ما بين 6 و8 أكتوبر، فعاليات الدورة الثالثة من مهرجان “وي كازابلانكا”، في ساحة طورو، شارع الكورنيش، الدار البيضاء.

PUB

وهاد المهرجان، اللي جا على غفلة، غيكون حاضر فيه كل من الستاتي عبد العزيز، والنجم العميق حاتم عمور، وحتى فريد غنام.

المراقبون، وحسب ما كشفوه لموقع le220 فإن راه من الصعب جدا، الفنان كيف ما كان الجنسية ديالو، يغني قدام بيلليك بيضاوي، ويوقف ويبغي يزهي الشو.. لأسباب كثيرة.

المراقبون أكدوا أن التجارب اللي دارت شحال هادي فكازا، فكانت أغلبها سلبية، لفنانين، حلفوا مايعاودوا يغنيو فكازا، واللي البعض منهم شيرو عليهم بمطيشة والبيض، كما أن الجمهور جمهور ذواق  فكلشي خاصو الخاتر، وصعيب صعيب ترضيه باللايف والأكوستيك.

حاتم عمور، فنان متكامل عندو جمهور ديالو، وعندو بلاصتو فهاد الساحة الفنية، ولكن، واش يقدر يغني بصوتو الحقيقي قدام الجمهور؟.. المعروف على حاتم أنه صوتو واعر فالاستوديو، وتقدر تخرج منو العجب، ولكن المباشر فراه ناضية تجعويق.

أما الستاتي عبد العزيز، فراه العشاقة ديالو من صحاب الربطة الزغبية غايكونوا حاضرين، والمعروف على الستاتي هو الشو كيزها، وكيحرك مسران الكمانجة، وكتنوض ديال بصح، لهذا فراه من الجانب الأمني خاص شوية ديال الزيار للبيضاوة عشاقين الزين.

تهلاو.