واهيا ناري الخطة تغيرات.. عرام ديال الفنانة والمشاهير المغاربة غاديين لقطر!

الريتم اللّي بدينا بيه، غادي وكيتغيّر، والسكات اللي بديناه ، رجع غوات وصورة بالــ 4k، من شَريان التونيات لقطيع الوراق الطيارة.

هو صحيح أن الواحد مكرهش يحضر لماتشات المنتخب، ولكن ماشي بحال شي فنانة ومؤثرين ومشاهير، اللي الغرض ديالهم ماشي التشجيع وإنما حاجات أخرى.

PUB

مصادر مطلعة كشفت لموقع le220 أن عرام ديال الفنانة والمشاهير، غاديكونوا حاضرين فالتيران، فماتش المغرب والبرتغال، هو من واحد الناحية، من حقهم، وإنما واش التشجيع غكون على حقو وطريقو، كيفما غيكونو الفيديوهات اللي غيصورهم.

الجمهور اللي غادي إلى قطر ويغوت ويدعم المنتخب، ويضغط على الخصم، راه هو اللّي بغينا، أما عرام السطوريات، والفيديوهات، والبحث عن الأضواء، فراه ماشي وقتها وماشي الفضاء ديالها.
بدينا بالنية نكملو بالنية، وغيجيب الله تيسير، واللي نيتو فشكل فراه الخبار فراسكم.

Le220ــ السعدية أبو علي